Pinngitsaaliiniarneq pillugu saaffiginnittoqanngilaq
Arnamik 18-inik ukiulimmik Aasianni tallimanngormat ullaassakkut pinngitsaaliilluni atoqatiginneriaraluarneq pillugu suliami politiit ikiortissarsiorput.
Arnamut 18-inik ukiulimmut tallimanngormat ullaassakkut pinngitsaaliilluni atoqatiginneriaraluartumut tunngatillugu paasissutissat innuttaasuniillu ikiuunnerit annikissimapput. Telefonikkulluunniit saaffiginnittoqarsimanngilaq.
Aasianni politeeqarfimmi pisortaq Gert Jakobsen taama oqaluttuarpoq. Taassuma ernummatigaa pineqartumi politiit ikiorneqanngippata suliaq paasineqarsimanngitsutut unitsiinnarneqassasoq.
Politiit inuit angummik 40-niit 50-it tikillugit ukiulimmik 160-170 cm angissusilimmik, qeersaartunik nujalimmik takunnissimasinnaasut ilisarisimannittulluunniit oqaloqatigerusukkaluarpaat. Angut taanna tallimanngormat aappaluttumik jakkeqarpoq qaqortumik t-shirt-eqarluni, tallimanngornikkut kollegiami init ilaannut arnamut sinittumut iserluni arnaq pinngitsaalillugu arneriffigeriaraluaramiuk.