KL

DK

Pinngitsaaliissutaasumik meeravissianngortitsisarnerit amerlanerujussuat politikerip ernumassuteqarfigai

Danmarkimi 2023-mi meeqqat aatsaat taamaamerlatigisut pinngitsaaliissutaasumikmeeravissianngortinneqarsimapput, Ankestyrelsenimitnalunaarsuinerit tamanna takutippaat. IA-mit Folketingimutilaasortap, Aaja Chemnitzip, kalaallit ilaqutariit meerartaatqanoq amerlatigisut taakku akornanniinnersuternumassutigaa.

– Danmarkimi »Meeqqat pillugit Inatsit« nalinginnaasumik danskit kommuniinikajumissutsimik aamma pinngitsaaliissutaasumik angerlarsimaffiup avataanut inissiisarneritukkatarineqarnerulernerannik kinguneqarpoq. Tamatuma kingunerisaanik aammapinngitsaaliissutaasumik inissiisarnerit amerleriarnerat takuneqarsinnaavoq. Kalaallitmeeqqat inissinneqartut amerlassusaat ilisimatillugu, taava meeqqat pinngitsaaliissutaasumikangerlarsimaffiup avataanut inissinneqarsimasut kalaallit meerartaasa akornanni qaffasinnissaataernumassutaanera pissusissamisoorpoq, IA-mit Folketingimut ilaasortaq, Aaja Chemnitz oqarpoq.
Trine Juncher Jørgensen

OBS. Kommunep aqqa kukkuneqarsimammat naqqinneqarpoq. Allaaserisami allaqqagaluarpoq Norddjurs Kommune pineqartoq - taamaanngilarli, kommunili pineqartoq tassaavoq Nordfyens Kommune.

Danmarkimi angerlarsimaffiup avataanut inissiisarnermik suliassaqarfik sakkortuumik isornartorsiorneqarpoq. Kingullermik Christiansborgimi isummersoqatigiinnermi qulaajaaffiusumi, kommunini sulianik suliarinninnerit Ankestyrelsenimit misissorneqartannginnerat, maannakkullu isumaginninnermut siunnersortiusimasut arlallit Fyens Stiftstidendemut oqaluttuarput, Nordfyens Kommunip sulianik suliarinninnerani ulluinnarni inatsisinik unioqqutitsisoqartarsimasoq. Børnebarometret naapertorlugu, taanna Ankestyrelsenip nammineq ukiumoortumik naatsorsuusiornerani, kommunit suliaq ataaseq allortarlugu kukkusarput.

Naak 2023-mi meeqqat aatsaat taama amerlatigisut pinngitsaaliissutaasumik meeravissianngortinneqarsimagaluartut, aamma Ankestyrelsenip Sermitsiamut ilisimatitsinera naapertorlugu »suminngaanneerneq naapertorlugu nalunaarsuisoqartanngimmat«, taakkunannga qanoq amerlatigisut kalaaliunersut nassuiaasoqarsinnaanngilaq.

Taamak allaaserinnippoq aviisi Sermitsiaq.

Kalaallit meeqqat amerlanerusut inissinneqartartut

Kalaallit meerartaat amerlanerusut angerlarsimaffiup avataanut inissinneqartarput, aamma meeqqat kalaallit qallunaat meerartaannut sanilliullugit tallimariarluni arfineq-marloriarluni amerlanerusut angerlarsimaffiup avataanut inissinneqartarput, taamaattumik IA sinnerlugu Folketingimut ilaasortap Aaja Chemnitzip ernummatigaa, meeqqat kalaallit pinngitsaaliissutaasumik angerlarsimaffiup avataanut inissinneqartartut amerlanerunissaat.

Allaaserisaq tamaat aviisimi Sermitsiami atuaruk.

politikki inuiagatigiit
Powered by Labrador CMS