Pisiniarfiit tillinniarfigiteriaraluartut
Nuummi pisiniarfiit pingasut pingasunngornerup unnuaani tillinniarfigiteriaraluartut.
Pisiniarfinnut pingasunut tillinniarfigiteriaraluarsimasunut pingasunngornerup unnuaani politiit ornigupput.
Nalunaarutiginninneq siulleq ulluinnarni atortussanik niuertarfimmit illoqarfiup qeqqaniittumit Akikimit pivoq, tassani matu ammarniarneqarsimagaluarmat. Tamatuma kinguninngua atisaarniarfimmit illoqarfiup qeqqaniittumittaaq tillinniartoqarneranik nalunaarutiginnittoqarpoq.
Tillinniat niuertarfimmut isersimanngillat, atisaarniarfimmulli isersimannguatsiartut, pigaartut pisortaat, Malik Olesen, Sermitsiaq.AG-mut oqaluttuarpoq.
Nal. 04.15 politiinut nalunaarutiginnittoqaqqippoq, tamatumuuna Nuukullammi neriniartarfiusumit. Tassani tillinniat matu silarleq ammariaraluarsimavaat, igalaamillu sequmiillutik.
Politiit sulianik misissuinertik suli ingerlappaat, sulilu tigusarisaqanngillat.
Tillinniariaraluartunik takusaqarsimagaanni paasissutissaateqaraanniluunniit, politiit 70 14 48-mut sianerluni attavigineqarsinnaapput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...