Pisortaq alla Sermersuumit tunuarpoq
Aningaasaqarnermut inuussutissarsiornermullu pisortaq, Inga Fjendbo Jensen, qaammatit quliinnaat atorfeqareerluni ingerlaannaq atuutilersumik atorfimminit tunuarpoq.
Annonse
Inga Fjendbo Jensenip Kommuneqarfik Sermersuumi pisortatut atorfimminit tunuarneranik nalunaarut naatsoralaannguuvoq, ilanngulluguli nalunaarutigineqarpoq John Kreutzmannip aamma Marie Fleischerip immikkoortortaqarfimmi ulluinnarneq aqutsineq ingerlatissagaat.
– Allaffissornikkut pisortaq Thorkild R. Lauridsen oqarpoq atorfimmit tunuarneq inummut ataatsimut tunngassuteqarmat annertunerusumik oqaaseqarfigisinnaanagu, Kommuneqarfik Sermersooq nalunaarpoq.
Inga Fjendbo Jensen qaammatialunnguit inerlaneranni pisortat soraartut aapparaat. Kommunaldirektøri Niels Kreutzmann asaq aamma ingerlaannartumik tunuarpoq, qaammatini arfineq-pingasuinnarni atorfeqareerluni.