Pisortaqarfiit akiligassat akilernissaat ajornakusoortikkaat
Nakorsaq immikkut ilinniarsimasoq, isumaqatigiissutit malillugit sulianut akilerneqarnissamik ajornartorsiuteqarsimasoq, taama oqarpoq.
Kalaallit Nunaanni oqartussaasut ingerlatsiviillu soorlu kommunit, politiit mittarfeqarfiillu nakorsanut Kalaallit Nunaannut suliartortunut isumaqatigiissutit malillugit akissarsiat akilerneq ajorpaat, imaluunniit nukingisaarisoqareeraangat aatsaat akilertarlugit.
Arnat nappaataannut nakorsaatinullu nalinginnaasunut nakorsaq immikkut ilinniarsimasoq Stinus Ancher Pedersen, aviisimut Sermitsiamut taama oqaluttuarpoq.
- Maannakkorpiaq suli juuli aamma aggusti 2022-mi politiinit akissarsiassaq tigusimanngilara, naak arlaleriarlunga saaffiginnittaraluarlunga, marsimi tusagassiuutinut nalunaarummi oqarpoq, tusagassiuutit suliap samminissaanik kajumissaarlugit.
Isumaqarpormi oqaluttuaq tamanut soqutiginartoq, peqqinnissaqarfimmi sulisussanik ilinniarsimasunik ilaatigut nakorsanik Kalaallit Nunaanni amigaateqarmat.
- Nalunngilara taama tukatsiginera suleqatinnut ajornartorsiutaajuartoq, tamatigut akiligassat akilerneqarneq ajorlutik imaluunniit takusinnaanagu akiligassat sorliit akilerneqarsimanersut, Stinus Ancher Pedersen Sermitsiamut oqaluttuarpoq.
Aviisimi Sermitsiami atuarnerusinnaavutit. Aviisi uani pissarsiariuk:
