KL

DK

Pittuffiup eqqaani najugaqartut sakkutooqarfiup nutaamik atserneqarnera nuannaarutigaat

Thulemi ukiuni 70-ini sulisoqareersorlu amerikamiut sakkutooqarfiat ilaannakortumik kalaallisut ateqalerpoq. Nunaqavissut tamanna nuannaarutigaat, taakkulu sakkutooqarfimmut aamma tikeraarsinnaasarput.

Lokale er rejst flere dage, for at deltage ved navneceremonien for Pituffik Space Base, der har heddet Thule Air Base siden den blev grundlagt i 1951. - Merete Lindstrøm
Lokale er rejst flere dage, for at deltage ved navneceremonien for Pituffik Space Base, der har heddet Thule Air Base siden den blev grundlagt i 1951. - Merete Lindstrøm
Lokale er rejst flere dage, for at deltage ved navneceremonien for Pituffik Space Base, der har heddet Thule Air Base siden den blev grundlagt i 1951. - Merete Lindstrøm
Lokale er rejst flere dage, for at deltage ved navneceremonien for Pituffik Space Base, der har heddet Thule Air Base siden den blev grundlagt i 1951. - Merete Lindstrøm
Lokale er rejst flere dage, for at deltage ved navneceremonien for Pituffik Space Base, der har heddet Thule Air Base siden den blev grundlagt i 1951. - Merete Lindstrøm
Kassaaluk Kristensen
Published

- Sakkutooqarfik kalaallisut ateqartinneqalernera nuannaarutigaara, Poul Suersaq18-inik ukiulik Sermitsiaq.AG-mut oqaluttuarpoq.

Taanna ikinngutinilu sakkutooqarfimmut ukiut tamaasa tikeraartarput, sumiiffimmilu amerikamiut najugaqarnerat nuannaralugu.

- Meeraaninniilli ukiut tamaasa sakkutooqarfimmukartarpunga, Poul Suersaq sakkutooqarfiup atserneqarnerani peqataasoq oqaluttuarpoq.

Taanna nunaqavissullu arlallit sakkutooqarfiup timersortarfianiipput, saanernik, sapakkanik amminillu assigiinngitsunik sanalukkanik Greenland Heritage Weekip ingerlanneqarnerani nittarsaassillutik.

Ulluni pingasuni angalasartut

Taanna ikinngutinilu oqaluttuarput sakkutooqarfik nuannarilluinnarlugu, periarfissanimmi nutaanik pilersitsimmat.

- Suliagut tunisinnaasarpagut niuertarfiannilu toqqangassaqarnerungaatsiartumi aamma pisiniarsinnaalluta, Poul Suersaq oqaluttuarpoq.

- Maani nuannisaartarpugut. Najukkatsinni soorlu Amerikamut piinnarluni, oqarpoq.

Taanna ikinngutinilu Savissivimmiit kujammut 120 kilometerit missaannik ingerlaarsimapput, ullut pingasut qimussersimallutik, Greenland Heritage Weekimut aamma sakkutooqarfiup atserneqarnissaanut peqataajartorlutik.

- Aqqutaani umimmanniassagutta nannunniassaguttaluunniit angalanerput ullunik sisamanik tallimanilluunniit sivisussuseqarsinnaasarpoq, oqarpoq.

Februarimi nannussimasoq

Poul Suersaq ungasinngitsumi ukioq manna nannoqqaarpoq. 27. februar nannumik pernarpoq.

Nannulli pernartaami amia timersortarfimmi tuniniakkanut ilaanngilaq.

Niels Miunge tv. er rejst den lange vej fra Qaanaaq for at sælge sine ting på basen.

Niels Miunge Qaanaamiit aamma peqataajartorpoq. Taanna piniartuuvoq Qaanaamilu niuertarfeeraateqarluni. Poul Suersaq assigalugu sanalukkanik sakkutooqarfimmi tuniniaavoq.

inuiagatigiit nunatsinnit
Powered by Labrador CMS