Poliit umiatsiamik immattumik annaassisimasut
Umiatsiaq marlunnik inuttalik sapaatiummat Nuup Kangerluani ajornartorsiulersimavoq.
Kalaallit Nunaanni Politiit umiatsiaq marlunnik inuttalik Nuup Kangerluani ajornartorsiulersimasoq sapaatiummat nalunaarfigineqarmata, annaassiniarneq nalunaaqutaq 15.45 aallartinneqarsimavoq.
Umiatsiaq marlunnik inuttalik immalersimavoq, umiatsiamilu allameersut inuit imaarsaallutik ikiuussimapput.
Umiatsiaq ajornartorsiulersoq Nuummiit 40 kilometerit missaannik ungasitigisumiissimavoq. Qujanartumilli politiit angallataat umiatsiamut ajornartorsiortumut ungasippallaanngitsumiissimavoq, ingerlaannartumillu ornigussimalluni, pigaartut pisortaat Gideon Quist Sermitsaq.AG-mut oqaluttuarpoq.
Umiatsiaq inuttallu arluk Nuup tungaanukaanneqarneranni qatserisartut umiatsiamik imaarsaaqataallutik politiinut ikiuussimapput.
Umiatsiaq Nuummut apuunneqarmat, umiasualivimmi kivinnginnissaa anguniarlugu ingerlaannartumik nunamut qaqinneqarsimavoq.
Taamatut pisoqarnerani inunnik ajoqusertoqarsimanngitsoq, Gideon Quist oqaluttuarpoq.