upalungaarsimanissamik nalunaarut
Politi: Nuna sisooqqinnissaanik aarlerinartoqarpoq
Kangerlunni angallattoqannginnissaa Kalaallit Nunaanni Politiit sakkortuumik kaammattuutigaa
- Kalaallit Nunaanni Politiit paasissutissanik tigusaqaqqammerput, tassalu innamit nakkaasoqqissinnaanera aarlerinartortaqartoq Issittumi Sakkutooqarfiup timmisartuata qulaammagu paasineqarpoq.
- Nalunaarutit maannamut imaapput, malissaarsuaqartitsisunik nakkaasoqaqqissinnaanera suli aarlerinarpoq, politiit Facebookiminni upalungaarsimanissamik taama nalunaaruteqarput.
Taamaammat kangerlunni angallattoqannginnissaa politiinit sakkortuumik kaammattuutigineqarpoq.
- Saattuni, Ukkusissani, Ikerasammi Qaarsunnilu immap qanoq issusaa suli nakkutigineqassaaq. Ulikkiartulissappat kalerrisaarullu appissappat piaartumik qaqqaliartoqassaaq, politiit nalunaaruteqarput.
Nunaqarfinni taakkunani innuttaasunik qimarngutsissinissaq pisariaqanngitsoq nalilerneqarpoq.