Politiinngortut arfineq-marluk
Nunarput ullumi nutaanik arfineq-marlunnik politeertaarpoq
Politiinngortut arfineq-marluk ullumi Nuummi Politiinngorniarfimmi ilinniagaqarnermut uppernarsaatitik tiguvaat. Sapaatit akunneri marluk matuma siornatigut naggataarutaasumik soraarummeerput. Politiinngorniarfiup pisortaata Frederik Lundbladip ilinniartitsisullu Danmarkimeersup Finn Vigsø-p ilinniagaqarnermi uppernarsaatit tunniuppaat.
Politiinngortut arfineq-marluk ilaat sisamat Qaqortumeersuupput. Aallartittunit 12-init arfineq-marluk ukiuni pingasuni ilinniareerlutik naammassipput.
Politiinngortut tassaapput Hans Jakob Frederiksen, Johanne Knudsen, Jakob Lund, Kristian Minik Boassen tamarmik Qaqortoq, Angutinnguaq Tittussen Ilulissat, Ulloriaq Grønvold Qeqertarsuaq aamma Julie Senderovitz Nuuk.
Frederik Lundblad politiinngorniarfimmi pisortaavoq Finn Vigsølu ilinniartitsisuulluni Danmarkimeersoq