Politiinut taartaasartoq biilimik aallarussisumut aportippoq
Nuummi politiinut taartaasartoq inullu alla inuit pisttarfiatigoortoq arfininngormat ullaakkut inummit biilimik aallarussaminiittumit aporneqarput.
Annonse
Politiit taamak ilisimatitsipput.
Politiiinut taartaasartoq isikkamigut pilluttoorpoq, inuk pisuinnaq annikitsunik kimillatsiterluni.
Aporsineq biilinik aallarunneqarsimasunik marlunnik ujaasinermut atatillugu pivoq.
Politiit naapertorlugit angut 17inik ukiulik biilertuuvoq. Biilertoq aporsereerluni qimaasimasoq kingorna tigusarineqarluni ilaatigut tillinniarsimasutut pasineqarpoq.
Angut tunngaviusumik inatsisit naapertorlugit killisiorneqareerluni sapaatip akunnerini pingasuni tigummigallagassanngortinneqarpoq.
Biilimut aallarunneqartup aappaanut atatillugu biilini unitsinneqarpoq, inuillu inuusuttut tallimat killisiorneqarlutik.