Politiit Aasianni niviarsiaraq 15-inik ukiulik ujarpaat

Sapaatip akunnerani kingullermi sisamanngormalli 15-inik ukiulik Rikke Kaspersen angerlarsimanngilaq. Taamaattumik Aasianni politiit ujaaraat.

- Ilimanarpoq tallimanngornerup unnuaani tipaatsussimasoq. Paasisavullu malillugit angerlannginnini pissutigalugu angajoqqaaminit kinguneqartitsinissamut ersisimagunarpoq, Aasianni politiinit politiassistent Jesper Bertelsen oqaluttuarpoq.

Taassuma erseeqqissarpaa politiit suli qularnaavinngikkaat illoqarfimmiissimasoq, politiit Rikke Kaspersen suli oqaloqatigisimanngimmassuk.

Han understreger, at politiet endnu ikke er helt sikker på, at det var en bytur, da politiet endnu ikke har snakket med Rikke Kaspersen.

- Sumiinnersoq nalunngilisiuk?

- Naamik naluarput. Adressinut uagutsinnut oqaatigineqartunut ujaraluarparput kinguneqanngitsumik.

- Taava naluarsi ajunnginnersoq?

- Ilimagaarput ajunngitsoq. Taamaattumik maanna ujaasinerput annikitsuuvoq. Ilimanartoqanngilaq imminornissamik ulorianartorsiortoq, imaluunniit arlaannik ajoqusersimasoq, Jesper Bertelsen Sermitsiaq.AG-mut oqarpoq.

Aasianni politiit attaveqarfigineqarsinnaapput uunga 89 42 22.