Nuuk
Politiit angut 36-nik ukiulik ujarpaat
Angut ujaarineqartoq, Lars Jørgen Egede, Nuummi pinerluuteqarsimasut inissiisarfianniittuuvoq. Taanna decembarip sisamaanni aneqqanerminit utersimanngilaq, politiillu nassaarisimanngilaat.
Annonse
Nuummi politiit isertitsivimmiittoq, Nuummi pinerluuteqarsimasut inissiisarfianniittoq ujaaraat.
Tassani 36-nik ukiulik Lars Jørgen Egede pineqarpoq, decembarillu sisamaanni aninerminit uteqqissimanngilaq.
- Ulorianartuunngilaq, kisianni angutip attaveqarfiginiarnissaa isumatusaarnerussanngilaq. Taamaattumik innuttaasut kaammattorpagut, angut takusimagunikku politiinut attaveqassasut, Nuummi Politiineersoq Sermitsiaq.AG-mut taama oqarpoq.
Lars Jørgen Egede politiit suli nassaarisimanngilaat, taamaattumik innuttaasut ujaarineqartumik takunnittut, imaluunniit sumiissimasinnaaneranik ilisimasaqartut, Nuummi politiinut aggerlutik imaluunniit oqarasuaammut 70 14 48-mut saaffiginneqquneqarput.