Politiit atorfissaqartippaatit
Jyllandip avannaani politiit Lars Svendsen periarfeeruttoq pillugu paasissutissanik amigaateqarput
- Ujaarineqartumik Lars Svendsenimik paasissutissiisinnaasunik ajoraluartumik saaffiginnittoqarsimanngilaq. Suliami uani innuttaasunit saaffiginnittunik pisariaqartitsivugut paasissutissanik amigaateqaratta.
Jyllandip avannaani politiiniit Per Vagn Nielsen sisamanngormat qallunaat nalunaaqutaat malillu ualikkut marlunut oqarpoq.
Læs også "Billeder: Eftersøgningen fortsætter"
Se også "Tv: Eftersøgning af Lars"
- Erseqqissassavara Lars Svendsen ujaarisimannginnatsigut. Inuk arfininngornerup ummuaani Limfjordenimut pissittoq ujaaraarput. Qulimiguulimmik angallammillu ujaasineq taanna unitsipparput isumaqaratta pineqartoq nassaarinaviarnatigu.
- Lars Svendsen ujanngilarput, naluarpummi sumiinnersoq tallimanngormat unnukkut aqqarnup qeqqanulli oqarasuaataa angallattagaq qaminneqarmat. Attaveqaatinut suliffeqarfimmit oqarasuaataanut atatillug paasissutissanit takusinnaanngilarput sumerpiaq issimanersoq oqarasuaataa angallattagaq suna peqqutiginerlugu attaveerummat. Taamungaannaq ujaasisinnaanngilagut, Per Vagn Nielsen Sermitsiaq.AG-imut oqarpoq.
- Oqaatigineqarpoq Club 16-imiit Jomfru Ane Gademiittumiit arfininngormat unnuaani sisamat qeqqariartortoq anisinneqarsimasoq. Paasissutissat taakku atorsinnaannginnassigik?
- Atorsinnaavagut, Lars Svendsenili aatsaat ujaarineqalerpoq ataasinngormat. Inuk arfininngormat unnuaani pissereersoq pissiffittut oqaatigineqartumi erngerluta ujaasigaluarpugut. Piffissarli sivisuallaaq ingerlasimavoq.
- Isumaqarpit Lars Svendsen imaanullu pissittoq attuumassuteqartut?
- Toqqaannartumik attuumassuteqarnerat takusinnaanngilara, takussutissaqarsinnaavorli inuk maqaasineqartoq tassani pisumi Larsimut assingusinnaasoq.
- Taakku marluk tassaasinnaallut inuk ataaseq, Per Vagn Nielsen oqarpoq.