Politiit: Avanersuup eqqaani pasinartumik nassaaq misissorneqassaaq
Avanersuami aalisartup qaleralinnut ningittagarsorluni pasinartumik pisaqarpoq, ningittakkani ataasinngornermi amuarpai. Assi inuit nittartakkatigut attaveqaqatigiiffiinni siammarterneqarpoq. Maannalu politiit erseqqissaatigaat nassaaq misissorneqassasoq.
Annonse
Pisarineqartoq qaartartutut rakettitulluunniit isikkoqarpoq, assilu Markus Hansenimiit assilineqarsimalluni. Assi inuit attaveqaqatigiiffianni 300-it sinnerlugit siammarterneqarpoq.
- Kalaallit Nunaata Politiivisa asseq Facebookkikkut ingerlaartinneqartoq eqqumaffingaat, politiit Facebookiminni innuttaasunut naasissutissiipput.
Innuttaasut arlallit pisaap suuneranik apeqqusersuipput paaserusunneqarlunilu pisaaq suunersoq. Politiit innuttaasut ernumasariaqanngitsut erseqqissaatigaat.
- Pasinartumik nassaaq maanna nassiunneqareersimalerpoq misissoqqissaangassatut, taamaattumik innuttaasut paasitissavangut ernumassuteqarnissamut pissutissaqanngimmat. Politiit taama Facebookimi allapput.