Politiit neriuutigaat 20-inik ukiulik Åge-Hans nassaarissallugu
Ataatsip missaani Air Greenlandip helikopteria tingivoq Åge-Hans Olsen, kingullermik majip 19-ianni takuneqarsimasoq, ujariartorlugu
Annonse
Nuummi Politiit neriuutigaat 20-inik ukiulik Åge-Hans Olsen, majip 19-ianniilli periarfeerunneqarsimasoq, nassaarissallugu.
– Ujaasinerput ullumi nangipparput, Nuummi politeeqarfiup ittua Bent Heiselberg oqarpoq.
Politiit 20-inik uykiulik Quassussuup avannamut kangianut ujareersimavaat, pisuinnarmik, snescooterinik, qimmilerlutik politiillu angallataannik.
– Ujaasiffipput ullumi annertusissavarput, Bent Heiselberg oqarpoq.
Åge-Hans 180 centimeterinik angissuseqarpoq, tuattuulluni, qasertumik tuluujuaraqarluni koorbunnillu qarleqarluni qularnanngitsumillu appalungusersunik arpaasinik skooqarluni.
Aamma ujaarineqartup ilaqutaat tamanit ornittakkani ujarneqartup assinga nivinngartarsimavaat.