ujaasineq
Politiit Palu Broberg suli ujarpaat
Qeqertarsuarmi Politiit 18-inik ukiulik Palu Broberg, angerlarsimaffimminit Qaqqannguup Aqqutaaniit decembarip sisamaani anisoq, suli ujaaraat
18-inik ukiulik Palu Broberg, sisamanngornermi decembarip sisamaanni nalunaaqutaq 19.20 missaani Qeqertarsuarmi Qaqqannguup Aqqutaani angerlarsimaffimminit anisoq, kingorna takuneqarsimanngilaq.
Palu Broberg 180 centimeterinik angissuseqarpoq qernertumik tuluujuaraqarluni, taartunik qarleqarluni aappalaartumillu Nike-nik skooqarluni, angerlarsimaffimminiillu anigami qaatigooqarsimanngilaq mobileqarsimananilu.
Atuaruk: 18-inik ukiulik Qeqertarsuarmi suli ujarneqarpoq
Atuaruk: Ujaasineq: Angut 18-nik ukioqartoq tammaaneqarpoq
Politiit Palu Broberg qinnuiagaat ilaquttani politiilluunniit attavigeqqullugit, inuillu Palu Brobergip sumiinneranik ilisimasallit, imaluunniit sisamanngornermi decembarip sisamaani nalunaaqutaq 19.20 missaani angerlarsimaffimminit aninerata kingorna takunnissimasinnaasut, qinnuigaat Qeqertarsuarmi Politiinut oqarasuaammut 70 14 25-mut naliginnaasumik suliffiup nalaani saaffiginneqqullugit. Nalunaaqutaq sisamat kingorna Nuummi pigaartumut oqarasuaammut 70 14 18-mut saaffiginneqqullugit.
Qeqertarsuarmi innuttaasut aamma qinnuigineqarput pequusiviit, kiilerit assigisaalluunniit Palu Brobergip isersimaffigisinnaasai misissoqqullugit.