Qaqortoq
Politiit saassussinermut takunnittussarsiorput
Arfininngornerup unnuaani angut 52-nik ukiulik pinerluuteqartunit arlalinnit saassunneqarpoq
Annonse
Inuit arlaqartut angummut 52-nik ukiulimmut nakuusersimasut, Qaqortumi politiit nalunaarfigineqarput.
Nalunaarut naapertorlugu tamanna arfininngornerup unnuaani oktoberip aallaqqaataani nalunaaqutaq 03.00 aamma 03.30 akornanni imerniartarfiup Arctic Cafép silataani pivoq, immikkoortortami pisortaagallartoq Laila Thomassen Fleischer ilisimatitsivoq.
Takunnittunik ujaasisut
Nakuusernermut tunngatillugu takunnissimasinnaasunik tusagaqarsimasinnaasunilluunniit, politiit attaveqarusupput.
Politiit oqarasuaat 701122-mut attaveqarfigineqarsinnaapput.