Politiit: Unnuaq eqqissisimasoq inuppassuillu unnuk kulturisiorfimmi najuuttut
Sapaatip ullaavani inuit marluk tigummineqarput
Arfininngornerup unnuaa politiinut eqqissisimanakannerpoq.
Arfininngornerup ullaavani inuit arfinillit tigusarineqarneranut sanilliullugu sapaammi inuit marluinnaat tigusarineqarput.
Taama pigaartut pisortaat Ole Hald Sermitsiaq.AG-mut oqaluttuarpoq.
- Nuummi ataaseq Sisimiunilu ataaseq tigusarineqarput, oqaluttuarpoq.
Tigusaasimasut marluk qaatussarneqareerpata killisiorneqareerpatalu iperagaassasut, pigaartut naalagaat naliliivoq.
- Tigusarinninnerit saniatigut pisoqaaluppoq, festertunik unitsitsisariaqarlutalu aalassassimaartunik eqqissisaajartorpugut, pisulli annertunerusumik inerneqanngillat, Ole Hald oqarpoq.
Unnuk Kulturisiorfik inuppassuarnit ornigarneqarluartoq
Pigaartut pisortaat oqarpoq arfininngornermi unnukkut kulturikkut aaqqissuussineq nuannersumik unnuaq naallugu ingerlasimasoq. Nuummi innuttaasut ilarpassui politeeqarfimmut iserput:
- Maani Nuummi politiit allaffeqarfianni innuttaasunit 2.600-t missaanniittunit pulaarneqarluarpugut, taakkualu assersuutigalugu qimmit dronillu atorlugit suleriuseqarnerput allallu takusinnaavaat. Soqutiginninnerujussuaq nuanneqaaq, Ole Hald oqarpoq.