Ussassaarut
Politikerit VM-imut isiginnaariarnerat illuatungiliuttut kamaatigaat
Demokraatit siulittaasuat Jens-Frederik Nielsen isumaqarpoq aningaasaqarnermut naalakkersuisup Erik Jensenip arnat assammik arsarlutik Stavangerimi VM-erneranni isiginnaariarnerminut Namminersorlutik Oqartussat aningaasartuutai nammineq akilertariaqarai.
Ussassaarut
Ussassaarut
Ussassaarut
Politikerit pingasut, atorfillit tallimat ministerillu allattaa Stavangerimut, nunanut allanut unammisartut VM-imi unammiffiannut, tikeraarnerannut Namminersorlutik Oqartussat 211.000 koruuningajannik akiliipput.
Naalakkersuisut siulittaasuat Múte B. Egede aamma Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Aqqaluaq B. Egede peqatigalugit Erik Jensen peqataavoq, taannalu ilaatigut angalanermut akunnittarfimmullu aningaasartuutinik 8.279 koruuninik akiliiffigineqarpoq.
Pisortatigoortumik suliaqanngitsoq
Politikkikkut suleqataasa illuatungaanik Erik Jensen Stavangerimi pisortatigoortumik suliaqanngilaq, paragraf 37 naapertorlugu Naleqqamiit Jens Napãtôk akissuteqarfigineqarmat tamanna atuarneqarsinnaavoq.
- Erik Jensenip nunanut allanut unammisartut VM-imi unammimmata illersuimmat iluarinarpoq, kisianni pisortatigoortumik pisussaaffeqanngikkuni uagutsitulli angerlarsimaffimminit taamaaliortariaqassaaq, Jens-Frederik Nielsen Sermitsiaq.AG-mut oqarpoq.
Erik Jensenip "innuttaasut kaasarfiinit aningaasanik tigusinera" pineqartoq oqarpoq.
Ussassaarut
- Aammattaaq VM-ip kingorna assammik arsartartut kattuffiat aningaasanik amerlanerusunik qinnuteqarnera alianarpoq, peqataaneq akisusimammat. Tamanna politikerit atorfillillu aallartinnissaannut koruunit hundredetusindit arlallit atorsimanerannit allaanerulluinnarpoq, Jens-Frederik Nielsen oqarpoq, taannalu isumaqarpoq Erik Jensen Namminersorlutik Oqartussanut 8.279 koruuninik akiliisariaqartoq.
Pele: Tupinnanngilaq
Naleqqap siulittaasua Pele Broberg aamma isornartorsiuivoq.
- Siulittaasuunikup Aleqa Hammondip pisortat aningaasaataannik namminerminut angalanermut atuisarsimanera pissutigalugu tunuartinneqarneraniit Siumut siuariarpallaarsimanngitsoq takusinnaavarput. Tamanna inuppassuarnit tupaallaatigineqarnavianngilaq, Pele Broberg oqarpoq, IA-milu politikerit allat marluk aamma isornartorsiorlugit:
- Hammondimut tatiginninnginnermik suaaruteqartoqarmat IA sallersaanikuusoq eqqarsaatigalugu Inatsisartut Naalakkersuisullu siulittaasui assammik arsarnermi sulinngiffeqartut takullugit kikkunnut tamanut maleruagassat assigiinnginnerinik eqqumiitsumik misigisitsivoq, Naleqqami politikkeri Sermitsiaq.AG-mut oqarpoq.
Attavissaanngitsoq
Sapaatip-akunnerata ataatsip missaani Sermitsiaq.AG-p Erik Jensen SMS-ikkut, mailikkut oqarasuaatikkullu attaveqarfiginiaraluarpaa paaserusullugu sooq VM-imut angalanera akileraartartut akilertariaqarneraat, iluatsitsinngilarli.