Poorskip kingorna takoqqissaagut
Inatsisartut qaammatini marlunni ataatsimiinnerat nalunaaqutaq 22.30 naammassivoq
– Eqqaamasakka malillugit ulloq una ullut suliffiit sivunersaraat, Inatsisartut siulittaasuat Josef Motzfeldt, Inuit Ataqatigiit, inatsisartut nalunaaquttat akunnerini 12 1/2-ini ataatsimiinnerat nalunaaqutaq 22.30 matusutut siarngutigigamiuk oqarpoq.
Taamaalillunilu aamma 2009-mi ukiakkut ataatsimiinneq septemberip naanerani aallartissimasoq naavoq. Ataatsimiinnerlu aamma immikkoortorpassuarnik imaqarnermi saniatigut nutaaliornermik ilaqarsimavoq: Inatsisartuni ilaasortat oqaluttarfliaqqaaratik inigisaminniit apeqquteqarsinnaanngorsimapput. Taamalu oqallinneri uummaarinnerusumik ingerlanneqatalersimapput, sivisunerusalersimallutilli.
Inatsisartut immikkoortut kingullersaattut aalajangiuppaat 2010-imi upernaakkut ataatsimiinnissaq poorskip kingorna tallimanngornermi aprilip 9-anni aallartissasoq, 2010-imilu ukiakkut ataatsimiinnissaq septemberimi tallimanngornerit pingajuanni, tassalu tallimanngornermi septemberip 17-iani, aallartissasoq.
Inatsisartuni ilaasortat partiimi sorlermi ilaasortaanertik apeqqutaatinnagu imminnut angerlamut angalalluarnissamik kissattaqattaapput.
– Juullisiorluassamaarisi, Siumup siulittaasua Aleqa Hammond oqarpoq: Eqqaamalluguli Inatsisartuni sulineq ukioq kaajallallugu ingerlasarmat!