Puigornikkut mittarfik matuneqarpoq
Kialuunniit eqqaamasimanngilaa Upernavimmi mitsitsisartup allagartani nutartissagaa, mittarfillu matusariaqarluni.
Annonse
Pingasunngornikkut aggustip 23-ani Air Greenlandimit timmisartoq Upernavimmut missinnaasimanngilaq. Ilaasullu 16-it avannaani illoqarfiliartut Qaarsunut uniinnartariaqarsimapput.
Peqqutaasoq immikut ittuuvoq. Upernavimmi mittarfik matusariaqarsimavoq mitsitsisartup Afis-operatørip allagartani nutartinngitsoorsimammagu, taannami mitsitsisartut tamarmik ukioq allortarlugu nutartertartussaavaat.
Taamaattumik mitsitsisartoq suleqqusaanngilaq, Upernavimmilu allanik taamatut ilinniarsimasoqanngimmat mittarfik matusariaqarsimavoq, qulimiguulillu attartorlugu Ilulissaniit mitsitsisartoq alla ingerlanneqartariaqarsimalluni. Taama Mittarfeqarfiit pisortaa Niels Kreutzmann nassuiaavoq.
AG nr 26-mi atuaruk.