Inuit Sila
Puisinniartarnermut illersuiniaqatigiit anorlernera malugaat
Inuit Silap tupiat anorlernerata pissutigisaanik uppippoq. Inuit Silalli Danmarkimi oqaaseqartartuat oqarpoq tunniutiinnassanatik
Annonse
Puisinniartarnermut illersuiniaqatigiit Strasbourgimi tupii pingasut anorlernerata pissutigisaanik uppipput pingasunngornermi.
- Akerliussutsimut takutitsinissamut piareersarnitsinni sakkortuumik anorlilerpoq. Silap pitsanngornissaa utaqqivarput, Inuit Silap oqaaseqartartuat Ole Ørum oqarpoq.
Piareersarnerup aallartinnerani siullermik siallilerpoq. Siallerunnaarmat anorlilerpoq. Tupillu uppissimasut maannakkut suliarineqaleruttorput.
- Tunniutiinnarnavianngilagut. Suliniuterput takutikkusoqaarput, Ole Ørum oqarpoq.
Puisinniartarnermut illersuiniaqatigiit Strasbourgimiipput eqqissisimasumik akerliussutsimik takutitsiartorlutik.