Puisit amiisa mattunneqarnissaat tapersinngilaa
Danmarkip puisit amiinik ilaatigut Canadamit Kalaallillu Nunaannit pisisarnini unitsinnianngilaa.
Annonse
Tamanna takuneqarsinnaavoq folketingip nerisassanut ataatsimiititaliaata pingasunngormat inatsisinik atortitsinermut ministerimik Lene Espersenimik nunanullu allanut ministerimik Per Stig Møllerimik isumasioqatigereerneranni.
Isumasioqatigiinnermi aalajangersarneqarpoq puisit amiinik EU-mi inerteqquteqalernissaa Danmarkip tapersersussanngikkaa.
Nerisassanut ataatsimiititaliap ministerit qinnuigisimavai canadamiut puisit amiinik tunisassiaannik eqqussuinermik apeqqummi Danmarkip qanoq isumaqarnera nassuiaateqarfigeqqullugu, tamatumani ilanngullugu Danmarkip USA, Belgia, Italia, Kroatia Mexicolu assigalugit eqqussuinissaq inerteqqutiginiarneraa.