Pujoq ujaqqamit skiferimit ikuallattumeersuuvoq
Qeqertarsuup timaani pujoq nunamit aniasoq ulorianartuugunanngilaq. Taamatut oqarpoq Geocenter Danmark-imit immikkut ilisimasalik.
Itillimi, Qeqertarsuup kangianiittumi, qaarsumit pujoq aniasoq pualasumit kissartumeersuunngilaq tissalutsitsisartumeersuunaniluunniit, tassaallunili ujaqqamit skiferimit ikuallattumeersoq.
– Assit , innuttaasut pujumik assilisimasaat misissoreerlugit paasivarput innermik anitsisoqanngitsoq. Taamaattumik tikeraat najugaqartulluunniit ulorianartorsiunngillat, lektor Gunver Karup Pedersen, Geocenter Danmark-imeersoq aamma seniorgeolog Karsten Secher, aamma tassanngaanneersoq, KNR-p radioavisianut oqarput.
Taakkua malillugit assit malillugit ilimanarpoq tassaasoq "ujarak skiferi ikumasoq", tamannalu Qeqertarsuarmi tamarmi ilisimaneqarpoq.
Tamanna pisarpoq skiferit tamakkua sisooraangata. Tassami aamarsuaqakulasarput, sisoornermilu tatigartuunneq pissutigalugu aamarsuaq ikuallalersarpoq pujortitsilerlunilu. Aamma tamanna pissutaavoq innuttaasut misigisaattut tamassuma kissarneranut.