Puussiat nutaat Brugsenimeersut atorneqaqqissinnaasut
Brugseni maanna pooqattanik ninngusuunik atoqqinneqarluarsinnaanerusunillu neqerooruteqalerpoq puussiat plastikkit avatangiisinut ajoqutaanngitsut saniatigut.
Brugsenimit pooqattaq nutaaq ima ilusilerneqarsimavoq tuermiorineqariaannaalluni assannik tigummisariaarulluni.
Pooqattaq annoraaminiusoq initunngilaq pertiterneqarsinnaallunilu kaasarfimmi pooqattap iluaniittumiitinneqarsinnaalluni nassariaannaallunilu. Pooqattaqninngusuujuvoq atoqqeqattaarneqarsinnaallunilu, Brugseni tusagassiutinut nalunaarummi allappoq.
Avatangiisinik illersuineq
- Pisiniartartunut suli amerlanerusunik toqqagassaqartitserusuppugut pisiassanik pisiniarfitsinnit angerlaassinermik ajornannginnerulersitsisunik. Tamatuma saniatigut avatangiisinik illersueqataarusuppugut aaqqissuutinik atueqqinnissamut plastikkimillu atuivallaarunnaarnissamut periarfissaqarnerulersitsisunik pilersitsinitsigut. Taamaattumik nutaarluinnarmik pooqattaliortitsivugut nassaruminartumillu, pilerisaarinermut attaveqarnermullu pisortaq Benny Reffeldt Otte oqaluttuarpoq.
Pooqattaq 10 koruunilerlugu tuniniarneqartassaaq.
Brugseni avatangiisimut mianerinnittunik puussianik ikioq kingulleq tuniniaasalerpoq.