Qaammatit arfineq-aappassaa suli ujarneqarpoq
Augustine Kristiansenip panimmi VIvi-p qanoq pisimanera pillugu akissutisinissani tunniutiinnarfiginngisaannassavaa.
»Ullut ilaanni matuma silataani qeqariataassagaluarpat qanoq issanersoq eqqarsaatigisaqaara. Eqerujussuariarlugu naveerujussuassagunaraluarpara. Taaneritut tulleriinnilerlugit,« taamak 48-nik ukiulik Augustine Kristiansen Ringstedimeersoq BT-mut. Augustinep pania 2008-mi juulip 9-anili periarfeerulluni tammarpoq.
31-inik ukiulik Vivi Inger Kristiansen periarfeerukkami nuannaarpoq. Vivi angutaataalu Carsten imminnut tikeqqeqqammisimapput, Vivilu atornerluinermik ajornartorsiuteqarnerup paatsiveerusimaarfiusimasup kingorna siunissaminik pilersaarusiorluni aallartissimagaluarluni. Ilorraap tungaanut ingerlaleriarluarpoq, isumaginninnermut peqqinnissamilu ikortitut ilinniassamaraluarluni, taamalu Augustinep oqarnera naapertorlugu Vivip maanngaaniit qimagunnissaanut sunaluunniit tikkuussisimanngilaq.
Vivip periarfeerunneraniit ullut 10-it qaangiuttut politiit paasissutissaasinnaasunik ujaasillutik Ringstedmi suna tamaat ujaasiffigigaluarpaat, sumininnguamilluunniit nassaarnatik. Ullumikkullu qaammatit arfineq-marluk qaanngiunneranni politiit sumilluunniit qanilliallassimanngillat.
»Akissutissarserusuinnarpunga, akissutissaq qanorluunniit ikkaluarpat. Arlaat isertortumik normulik sianeraangat kamaattuaannarpakka, tassami tamatigut isumaqartarama politiit sianertut. Taamaaligaanga tigunnginnerani suna tamarmi unittutut ittarpoq,« Augutsineq oqarpoq, qullililersarlunilu.
Vivip periarfeerunnera Augustinep aappaanut Janimut aamma attuivoq. Marluullutik soriarsinnaanatik inuupput.
»Iliuusissaarutiinnarluta sunannguaq sorujussuanngortittarparput,«, Augutsineq oqarpoq, nangillunilu oqarpoq ullut ilaanni qiaannavilertarluni.
Ilorpiamigut isumaqarpoq Vivi takoqqinngisaannassallugu akissutissarsinaviarnanilu. Kisianni suli neriuutimininnguaqarpoq.
»Politiit sianertinnagit suli neriuutissaqarpoq. Ulluinnarni inuunera ingerlatiinnarniarukkut neriuutimininnguaq sunaluunniiit aalajangiusimasariaqarpara.«
Vivip ikinngutaa Facebook-imi »Hvor er Vivi?«-mik gruppeliorsimavoq, taanna 2.000-it sinnilinnik ilaasortaqarpoq.
Danmarkimi 2008-mi inuit 1.468-it maqaasineqartutut nalunaarutigineqarsimapput. Taakkunannga 14-init suli nanineqarsimanngillat.