Qalasersuamut qanittumiilersut
Ilisimatuut Danmarkimeersut Kalaallit Nunaanneersullu Kalaallit Nunaata tunuata avannarlerpaartaata avannaani sikumi puttaarsuarmi sapaatit akunnerini pingasuni ineqassapput.
Geologit, geofysikerit, teknikerit, ingeniørit immikkullu ilisimasallit allat tamaani Issittup allanngoriartupiloorneri paasissutissarsiviginiarsarissavaat, dmi nittartakkamini allappoq.
Ilisimatuut DTU-Space-imit, Danmarks og Grønlands Geologiske Undersøgelse-miit (GEUS) aamma Kalaallit Nunaanni pinngortitaleriffimmiit, Danmarks Meteorologiske Institutimiillu inuttalersukkat apriilip qaammataani sila unerisimatsiarnera sikumi tammaarsimaafiliornissamut atorniarpaat.
DMI suliassani arlariinni peqataassaaq. Leifip, Gormip aamma Steffenip ilaatigut atortorissaarutit sikikkut ningissavaat, atortut kissassuseq, tarajoqassuseq, immap sarfai imaani ilisimaneqanngingajattumi nalunaarsussavaat.
DMI aamma sikup qaavani peqataassaaq. Paasiniagaasat ilagaat tassaavoq allannguutit ilisimatuut satellittip kiassiuttaasa uuttortartagaanni allannguutit suunersut paasiniassallugit. Taamatut misissuinikkut sateliiktip uuttortagai nalertunerulissapput.
Misissuiffigisassat suli arlaqarput sapaatit akunnerit pingasut ingerlaneranni naammassiniagassat. Ilisimatuut taakku aamma DR-imi Tv-liortartunit tikeraarneqassapput, sikumi puttaarsuarmi suliat malittarineqassallutik.