Qaleralittassiissutit qaffanneqarput – siunnersuinermut sanilliullugit marloriaatingajanngortut
Nuup eqqaani qaleralittassiissutit 200 tonsinik qaffanneqarput.
Nuummi qaleralittassiissutit tamakkerlugit aalisarneqalermata, Naalakkersuisut qaffanniarlugit aalajangerput.
Suliassaqartitsissapput, taama oqartoqarpoq:
- Aqutsiveqarfimmi Nuummi aalisakkanik allanik aalisarnissamut periarfissaqarpallaanngimmat, pisassiissutillu ilaneqarpata sinerissap qanittuani aalisartunut iluaqutaassaaq tunitsivinnullu aamma suliassaqartitsissalluni, Naalakkersuisut tusagassiuutinut nalunaarummi allapput.
Aqutsiveqarfik Nuummut ukioq manna qaleralittassiissutigineqartut 699 tonsiupput, maannalu 200 tonsinik ilaneqarlutik 899 tonsinngorput.
Taamaalilluni pisassiissutit biologit siunnersuinerannit marloriaatingajanngorput, taakku aqutsiveqarfimmi 522 tonsit siunnersuutigineqarput.
Aqutsiveqarfik Nuuk nutaajupajaarpoq, aqutsiveqarfimmilu tassani 2020-mi aatsaat pisassiissuteqartoqartalerpoq.