Qallunaatut ilinniarasuarneq taamaatiinnarneqartoq
Kalaallinut ilinniagaqartunut qallunaatut pikkorissartitsinermut peqataaniarluni nalunaartoqarsimanngilaq.
Isumassarsiaq anguniagalippalaarpoq. Siunertarineqartoq pitsaasoq tassaasimavoq kalaallit Danmarkimi ilinniagaqartut ikiornissaat. Kisianni pikkorissaaneq kukkusumik katitigaarsimagunarpoq.
Aviisi AG taama allappoq.
Tassami qallunaatut ilinniarasuarnermi Turbodanskimi pikkorissarnermut kalaallimik ilinniagaqartumik ataatsimilluunniit 2019-imi 2020-milu peqataaniarluni nalunaartoqarsimanngilaq.
Aamma naak Danmarkimi kalaallit ilinniagaqartut ilaatigut oqaatsitigut ajornartorsiorneq pissutigalugu uniinnartartut amerlagaluartut.
Naatsorsueqqissaartarfimmit kisitsisit naapertorlugu kalaallit Danmarkimi bachelorinngorniartut sisamaagaangata pingasut uniinnartarput.
Soqutiginninnerup amigaataanera pisutigalugu Børne- og Undervisningsministereqarfiup Turbodanskimut aningaasaliissuteqarneq maanna unitsissimavaa. Suliniut Folketingimi amerlanerussuteqarluartunit taperserneqarluni Danmarkimi naalakkersuisuusimasunit pilersinneqarsimasoq.
Allaffiup qaavani suliniut pissusiviusunut naapertuutivinngitsoq pineqarsimagunarpoq. Tassami kalaallit ilinniagaqartut pikkorissaanermi siunnerfigineqartut pissarsiarineqanngisaannarput.
Aviisimi AG-mi atuarnerusinnaavutit. Aviisi uani pissarsiariuk: