Qaluunaat quaannaveeqqutinik pisiortorput
Qallunaarpassuit quaannaveeqqutinik kamippaat qavisigut atisakkanik pisiniaraluarlutik pissarsinngitsoortut aqqusinikkut aqqusineeqqakkullu quasaqisukkut sisuuinnaq ingerlasarput.
Pensionist-søm, sko-pigge og snekæder. (Utoqqarnut kikissat, skuunut kapputtakkat aamma kalunnerit sisoornaveeqqutit nuts.). Atortorissaarut orlunaveersaarut iluareqisaq assigiinngitsorpassuarnik taaguuteqarpoq, Danmarkimilu uani ukiuunerani isseqisumi quaannaveeqqutit assorsuaq pisiarissallugit pilerigineqarput.
Pisiniarfippassuit nalunaarput nunguutsisimallutik. Ilaatigut tassaasut Eventyrsport, Spejder Sport, Amazon.co.uk og friluftsland.dk tikisitsigaangamik ingerlaannarlutik nunguutsisarput.
FDM, danskit biiliiutillit kattuffiat nalinginnaasumik, biilinut ukiuunerani assakaasunik tuniniaarnermut aamma allanik biilit atortussaannik, siunnersuisaraluarpoq. Maannali ukiuunerani biliinut atortunut ilanngussimavaat quaannaveeqqutit (pensionist-søm).
Danmarkimi kattuffiit annersaat, Ældre Sagen (utoqqaat kattuffiat nuts.), utoqqarpassuarnik saaffigineqartarpoq isikkamikkut atortakkaminnut quaannaveeqqutinik pissarsiortunik. Tamatumunnga atatillugu Ældre Sagenimiit qallunaanut quaaqattaartunut siunnersuutaavoq:
- Paasissavat quaannaveeqqutinik atorlutit illup iluani natini manngertuni qaavi quasattuni (soorlu marmorini aamma terrazzoni) pisussanngilluinnaravit. Tamanna mianersuutiginngikkukku taava imaassinnaavoq ”Bambi sikumi quaaqqisaartoq” assigalugu orlorujussuartutit.