Qamuteralaat Nuup eqqaani sikukkut nakkartut: Inuit marluk nassaarineqarput
Nuup eqqaani Kangerluarsunnguani qamuteralannik angalasut marluk tammaaneqalerput. Qamuteralallutik angalasut marluk sikukkoortillutik nakkarsimasut nassaarineqareerput, Nuummullu napparsimmavissuarmukaanneqarsimalerlutik.
Politiit paasissutissaataannit allaaserisaq nutarterneqarpoq.
Politiit pigaartui marlunngornermi nal. 13.13 nalunaarfigineqarput qamuteralannik angalasup ilani attavigisinnaajunnaarsimagai. Taakku Nuup eqqaani Kangerluarsunnguani angalasimapput. Politiit tusagassiorfinnut nalunaaruteqarlutik allapput.
Inuit marluk qamuteralannik ingerlaartillutik sikukkut nakkarsimapput.
Kalaallit Nunaata Politiivini pigaartut aqutsisuat Gedion Quist Sermitsiaq.AG-mut uppernarsaavoq qamuteralannik ingerlaartut marluk pineqartut. Taakku sikukkoortillutik nakkarsimapput nassaarineqarsimallutilli. Maannalu napparsimmavissuarmukaanneqarsimalerlutik.
Politiit snescooterinik ujaaseqataasimapput, Air Greenlandillu qulimiguua A350 aamma ujaaseqataasimalluni.
Ilulissaniit Arktisk Kommandomiillu ujaasisut aamma ikiorneqarput.
- Qanoq pisoqarsimanera pillugu politiit maanna annertunerusumik oqaaseqarsinnaanngillat, nalunaarutigineqarpoq.
Inuit marluk tammaaneqarsimasut nassaarineqarneranni qanoq innersut pillugit politiit maanna aamma oqaaseqarsinnaanngikkallarput.