Qamuteralaat peqatigiiffiata ajunaartut naggammik ataqqinninnermik takutitsivigai
Nuummi qamuteralaat peqatigiiffiat, Qamutit, angutit inuusuttut marluk sapaatip-akunnerata siuliani alianartumik ajunaartut ilisaaneranni qamuteralannik illoqarfiup iliveqarfiata eqqaani inissiivoq.
Marlunngornerup ullaap tungaani iliveqarfiup aqqutaanut, toqusut qasuersaarfissaannut, qamuteralannik amerlasuunik inissiisoqarpoq.
Angutit inuusuttut marluk sapaatip-akunnerata siuliani apummik sisoortoqarnerani ajunaartut ullumi ilineqarput.
Angutit inuusuttut marluk 22-nik ukiullit alianartumik pisoqarnera pissutigalugu ajunaartut misiginneqatiginninnermik ataqqinninnermillu naggammik takutitsiviginiarlugit, Nuummi qamuteralaat peqatigiiffiat, Qamutit, qamuteralannik iliveqarfimmut inissitsiteripput.
Sapaatip-akunnerata siuliani marlunngormat ualikkut inuusuttut taakku marluk aputip sisoorneranit matoorussaapput, annaassiniartullu ikiuingaaraluartut annaanneqarsinnaasimanngillat.
Ullumikkut, marlunngornermi marsip tallimaani, seqinnarissuutillugu angutit inuusuttut taakku marluk ilisaapput, oqaluffillu marloriarluni ilaquttanik, ikinngutinik, ilisarisimasanik innuttaasunillu annaassiniarnermut peqataasunik ulikkaarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...