Qamutilissortunut tikaagullinniarneq unippoq
Nuummiit avannamut qamulitissortunut tikaagullinniarneq tamarmi aggustip 29-iani nal. 24-imiit unitsinneqarpoq. Taamak ilisimatitsivoq Aalisarnermut, Piniarnermut Nunalerinermullu Pisortaqarfik.
Annonse
Tamatumunnga pissutaavoq Nuummiit avannamut qamutilissortunut tikaagullittassani 100-suuni tikaagullik ataasiinnaq sinnerummat.
Agguaasseqquttussat tallimanngorpat aggustip 31-iani ataatsimiissapput, taakku pisortaqarfimmiit, KNAPK-miit KANUKOKA-miillu inuttaqartut piniarnerup aallarteqqissinnaanissaa naliliiffigissavaat.