Qamutilittarlutik dronningi pilluaqquaat
Ullumi apriilip 16-ani dronning Margrethep inuuissiornerani pisarnertut Nuummi qamutilittartoqarpoq
Annonse
Kunngeqarfimmi tamarmi ullumikkut apriilip 16-ani Ataqqinartorsuup Dronningip 73-iliilluni inuuissiornera malunnartinneqarpoq.
Nuummi ileqquusoq malillugu ulluå qeqqanut Nuutoqqami qamutilittartoqassaaq kingornalu sakkutuut umiarsuaanit nakkutilliissummit 'Ejnar Mikkelsenimit' akisoqassalluni.
Kinguninngua borgmesteri Asii Chemnitz Narup oqalugiassaaq. Kingorna Nuuk Byorkesteri nipilersortoralugu inuiaassutsumik erinarsortoqassaaq upernaarsiummillu atuisoqarluni kingornalu Asii Chemnitz Narup meeqqat takkussimasut peqatigalugit inuuissiortuussalluni.