Qanormi QU-mik nutarterineq
Ilinniarnertuunngorniarfiit nutaat suna pillugu aatsaat 2011-imi aallartissappat, pilersaarutaaqqaartutut aappaaguunngitsoq, inatsisartuni ilaasortaq Lene Knüppel aperivoq.
Annonse
Taassuma naalakkersuisunut §-36 tunngavigalugu apeqquteqaammini erseqqissarpaa, ilinniarnertuunngorniarfimmik nutarterineq suleqatigiissitaliaq naapertorlugu 2009-mi septembarimi atuutilersussaasoq. Kisianni atorfinnik inuttassarsiuussinermi takuneqarsinnaavoq, ilinniarnertuunngorniarfiit nutaat aatsaat 2011-mi atuutilissasut.
Taamaattumik maanna naalakkersuisut akissutiqarfigissavaat, nutarterinermi suliaq sumut killissimanersoq aammalu aappaagumut atuutilinngiinnarnissaanut suna peqqutaanersoq akissuteqarfigissavaat. Naalakkersuisut aamma illoqarfinni allani soorlu Sisimiuni ilinniarnertuungorniarfeqalissanersoq ilisimatitsissutigissavaat.