Qapiarfiusaami suliami iperagaasoqanngilaq
Angutit tallimat 16-init 32-nut ukiullit Nuummi Qapiarfiusaami toqutsisoqarsimasinnaaneranik suliami suli iperagaanngillat
Juunip 20-ani angut 26-nik ukiulik Nuummi Qapiarfiusaami Blok 17-ip eqqaani toqungasoq nassaarineqarpoq.
Angutit tallimat 16-init 32-nut ukiullit toqutsisoqarsimasinnaaneranik suliamut attuumassuteqartinneqartoq suli iperagaanngillat.
Taama Politimestereqarfimmi fuldmægtigi unnerluussisoq Lars Bo Jensen oqaluttuarpoq.
Læs også "Mange afhørt i Radiofjeld-sag"
Læs også "Fem mand tilbageholdt i drabssag"
Læs også "Obduktion styrker mistanke om drab"
- Suliap paasiniaavigineqarnera eqqarsaatigalugu eqqartuussivimmi killisiuinerit maannamut matoqqasumik ingerlanneqarsimapput. Taamaattumik taakkunani qanoq saqqummiussaqartoqarsimanera oqaluttuarisinnaanngilara.
- Oqaatigisinnaavarali politiinit Naalagaaffiup politiivini pinerluttoqarsimatillugu teknikkikkut immikkoortortaq suleqatigalugu pinerluffiusumit allanillu atortut takussutissallu arlalissuit qularnaarneqarsimammata. Tamakkua Naalagaaffiup politiviinit misissorneqaleruttorput, Lars Bo Jensen Sermitsiaq.AG-mut oqaluttuarpoq.
Piffissaliussamik sivitsuineq maanna angutinut tallimanut tamanut atuuttoq aggustip 14-iani atorunnaassaaq.