Qaqortoq danskinit aningaasalerneqassanngilaq

Danskit Naalagaaffiata Ilulissani Nuummilu mittarfiliornissamut atatillugu 700 million koruuninik aningaasalissaaq. Taakku saniatigut 450 million koruuninik atukkiisoqassaaq, 450 million koruuninik attartukkat ilaneqarsinnaallutik. Kisianni aningaasat taakku Ilulissani Nuummilu mittarfiliornissamut atorneqassapput, tamanna isumatigiissummi takuneqarsinnaavoq.

- Kalaallit Nunaanni mittarfiit pillugit suliniummut 2,8 mia. kr.-inik nammineq aningaasaatinit aningaasaliinissaq missingersuutinut ilanngunnerput, taakkunanilu naalagaaffik piginneqataasutut Nuummi Ilulissanilu mittarfiit nutaat sananissaannut 700 mio. kr.-inik aningaasaliissaaq. Taassuma saniatigut 450 mio. kr.-it Den Nordiske Investeringsbankimit taarsigassarsiariniarneqassapput, naalagaaffillu taakkununnga sillimmasiissaaq. Kiisalu naalagaaffik Nuummi Ilulissanilu mittarfiit nutaat sananissaannut 450 mio. kr.-it tikillugit taarsigassarsititsissaaq, isumaqatigiissummi oqaaseqaatit takuneqarsinnaapput.

Qaqortoq eqqaaneqanngilaq
Isumaqatigiissummi Qaqortoq eqqaaneqanngilaq.

Inatsisissatut siunnersuummi takuneqarsinnaavoq Naalakkersuisut Qaqortumi mittarfiliornissamut atatillugu Kalaallit Airportsip ataaniikkunnaarsinnaanissaa aalajangersinnaagaat. Namminersorlutik Oqartussat suliffeqarfiutaata suliffeqarfianut allanut suliassaq nuunneqarsinnaavoq.

Taamaasilluni Qaqortumi mittarfiliornissaq allatigut aningaasalersorneqarsinnaavoq.