KL

DK

Qaqortumi streetartimi ajugaasut toqqarneqarput

Assilialiat ajugaasut Great Greenlandip illutaasa saqqaanni qalipanneqassapput

Ideen bag motivet er at fremhæve den feminine natur, samt det Grønlandske naturliv. Arnaq arfertut sarpilik pinnissutsip nukinganut ersiutaavoq, uilorlu qillertoq inuit qanissusiannut ersiutaavoq.
Qipoqqaq misissorluarlugu ilutsit tassaniittut ersilersarput. Kalaallisuunit isumassarsiaapput. Sarpiani sapangaaqqat takuneqarsinnaapput, aammalu qatigaaniit qummut nunatta naasui ilaatigut kalaallisuut assiliartarisartagaat takuneqarsinnaapput. Qalipagaq kalaallisuut qanoq kusanartiginerannut nersorinnissutaavoq.
Ideen bag motivet er at fremhæve den feminine natur, samt det Grønlandske naturliv. Arnaq arfertut sarpilik pinnissutsip nukinganut ersiutaavoq, uilorlu qillertoq inuit qanissusiannut ersiutaavoq. PrivatQipoqqaq misissorluarlugu ilutsit tassaniittut ersilersarput. Kalaallisuunit isumassarsiaapput. Sarpiani sapangaaqqat takuneqarsinnaapput, aammalu qatigaaniit qummut nunatta naasui ilaatigut kalaallisuut assiliartarisartagaat takuneqarsinnaapput. Qalipagaq kalaallisuut qanoq kusanartiginerannut nersorinnissutaavoq. PrivatIdeen bag motivet er at fremhæve den feminine natur, samt det Grønlandske naturliv. Arnaq arfertut sarpilik pinnissutsip nukinganut ersiutaavoq, uilorlu qillertoq inuit qanissusiannut ersiutaavoq. PrivatQipoqqaq misissorluarlugu ilutsit tassaniittut ersilersarput. Kalaallisuunit isumassarsiaapput. Sarpiani sapangaaqqat takuneqarsinnaapput, aammalu qatigaaniit qummut nunatta naasui ilaatigut kalaallisuut assiliartarisartagaat takuneqarsinnaapput. Qalipagaq kalaallisuut qanoq kusanartiginerannut nersorinnissutaavoq. PrivatIdeen bag motivet er at fremhæve den feminine natur, samt det Grønlandske naturliv. Arnaq arfertut sarpilik pinnissutsip nukinganut ersiutaavoq, uilorlu qillertoq inuit qanissusiannut ersiutaavoq. PrivatQipoqqaq misissorluarlugu ilutsit tassaniittut ersilersarput. Kalaallisuunit isumassarsiaapput. Sarpiani sapangaaqqat takuneqarsinnaapput, aammalu qatigaaniit qummut nunatta naasui ilaatigut kalaallisuut assiliartarisartagaat takuneqarsinnaapput. Qalipagaq kalaallisuut qanoq kusanartiginerannut nersorinnissutaavoq. Privat
Aaqqissuisoqarfik
Published

Apriilimi inuusuttut 65-it assilialiortitsinermut peqataapput, taannalu qalipakkanik unammisitsinermut 16. juli tunniussinissamut killilimmut aallarniutaavoq.

- Ulloq taanna sioqqullugu Majoriami suliaqartitsinermi ulapputtunnguaqarpoq, printeripput, qiortaapput, titartaapput, pilersaarusiorput, suliaqarput, allisitsipput, qalipaatinik akooripput, qalipaapput qillarissaapput, ilami killiussaq juulip ulluisa 15-ianni nalunaaaqqutaq 23.59 tikivillugu ulappupput, suliniummik ingerlatsisoq, Heidi Zilmer taama ilisimatitsivoq.

Bolatta Silis-Høegh isummersuutinik, periaatsinik misilittakkanillu tunioraavoq, taamalu inuusuttut isumassarsiaminnik pilersaarusiukkaminnillu kusassaatinngortitsillutik piviusunngortitsisinnaanngorlutik.

Ajugaasumik toqqaanissaq ajornakusoortoq

- Isumassarsiap piviusunngortinniarnera sivisusinnaavoq, suliaavorli assorsuaq soqutiginartoq. Sakkussat uannit Heidimillu pissarsiatik atorlugit inuusuttut pilersaarusiaminnik piviusunngortitsiniarnerat isigalugu nuanneqaaq. Inerneri pitsaangaarmata ajugaasumik toqqaanissaq assut ajornakusoorpoq. Tassuuna takusinnaavarput Qaqortumi eqqumiitsuliornermut piginnaaneqartoqarmat inerisartariaqavissunik sulissutigisariaqartunillu , Bolatta Silis-Høegh oqarpoq.

Katillugit Qaqortumi inuusuttut qulingiluat Great Greenlandip iigaanik kusassaatissanik siunnersuuteqarput.

Tamatuma kingorna siunnersuutit naliliisussanit misissorneqarput, taakkulu tassaapput Preben Møller Great Greenlandimeersoq, Margrethe Thårup Andersen Kommune Kujallermi borgmesterip allattaa, Katja Vahl Air Greenlandimeersoq, Bolatta Silis-Høegh eqqumiitsuliortoq suliaqartitsinermilu aqutsissoq kiisalu Heidi Zilmer eqqumiitsuliortoq suliniummillu aqutsisoq.

Ajugaasut marluk

Pingaartumik siunnersuutit marluk ajugaasussatut piukkunnarput, naliliisullu naliliimmata tamarmik ajugaasutut toqqarneqarput. Kaaka Kielsen Olsenip qalipagaa Arnaq aammalu Naja Theresias qalipagaa Qipoqqaq.

- Qalipakkat tamarmik pitsaasuupput, Kaakalli qalipagaa eqqumiitsuliatut immikkut pitsaassuseqarpoq, namminerpiarlu suliaraa. Qalipagaq arnaavoq nalitsinneersoq, kisiannili aamma oqaluttuatoqqanit soorlu sassuma arnaanit pisuusinnaavoq - oqaluttuarisaanitsinnut ullumikkullu inuusuttatsinnut tunngasuusinnaavoq. Qalipagaq mallit aalanerisut pissuseqarpoq, umiarsualivimmut Great Greenlandimullu naleqqulluarluni. Mutiunngikkaluarluni mutiuvoq, Bolatta Silis-Høegh oqarpoq, nangillunilu:

- Naja Theresiap qipoqqarmik qalipagaa kalaallisuunit isumassarsiaasunik titartarnertaqarpoq. Nutaaliornerulluni pinngortitamik kingornussarsiatsinnillu katiteriviuvoq. Kusanartuliaq uumassuseqarluarpoq, iikkamut tulluartuliaavoq aamma ilutsimigut qalipaasersugaanermigullu avatangiisinut naleqqussagaalluni.

Saqqai qalipaaffissanngortikkaat

- Qaqortup ineriartortuarnissaa Great Greenlandimit kissaatigaarput, qujanassaqarlu inuusuttut suleqataasinnaappata takusinnaappassullu namminneq illoqarfigitsik - taamaammat iikkavut eqqumiitsuliorfissatut neqeroorutigaavut. Ajugaassutaasut assut kusanarput, suliffeqarfitsinnillu kusassaalernissaannut qilanaarpugut, Preben Møller Great Greenlandimeersoq oqarpoq.

Kaaka Kielsen Olsen aamma Naja Theresia Høegh qalipakkat iikkanut nuunneqarnissaannut peqataassallutik qaaqquneqarput.

Qalipakkat uleerneqassapput arfininngorneq 18. august Qaqortumi Havnevejimi Great Greenlandimi nalunaaqutaq 14.00-16.00.

nunatsinnit inuiagatigiit
Powered by Labrador CMS