Qaqortup ilisarnaataa iluarsaanneqassaaq
Qaqortup ilisarnaataata, illoqarfiup qeqqani illoqannginnersap tusaamasamik tissaluttuliallip, nutarterneqarnera naggaserneqassaaq.
Annonse
Tissaluttuliaq ukioq manna qangarsuarli tissalukkunnaarpoq, eqqakkalli aqqutaannik sullulimmik nutaamik nunap iluanut assaanissamut atatillugu kommuni aalajangerpoq illoqannginnersap ujaqqanik qallerneqarnera nutarterneqassasoq.
Illoqannginnersap qalliutai tassaapput Igalikup ujarai aappalaartut aamma granit qasertoq, ujaqqallu ilioqqarneqassapput eqqumiitsuliortup Aka Høeghip titartagaa malillugu. Tassaavoq tissaluttuliaq kaajallallugu granitimi qasertumi piluttat aappalaartut iloqqasut.
Suliaq juulimi aallartinneqarsimavoq 2010-milu naammassineqassalluni, sila apeqqutaalluni.