Qarasaasiatigut pinerlunneq
Qarasaasiatigut pinerlunneq Siumumi ilaasortap ernumassutigigaa
Nunarsuarmi oqatussat qarasaasiatigut ilaatigut Ruslandimiik pinerluffigineqannginnissamut illersornissaat naammannersoq sammineqangaatsiarpoq. Naalakkersuisulli nunatsinni qarasaasiatigut illersornissaq pillugu qanoq annertutigisumik pitsaassutsimik pigisaqarpat? Inatsisartunut ilaasortaq aperivoq.
Paasissutissat mianernartut pinerlunnianik atornerlunneqarsinnaanerat Inatsisartuni ilaasortap Ineq Kielsenip Naalakkersuisunut apeqquteqaatigaa.
Ineqi Kielsenip paaserusuppaa Naalakkersuisut qanoq iliuuseqarnersut tamanna pinaveersaartinniarlugu.
Tunngavilersuut
Apeqquteqaateqarnerminut tunngavilersuutaasa ilai "allagaatit nunanut allanut takutinneqanngilluinnartussat immikkut ilisarnaaserneqartarnersut, imaluunniit inunnut ataasiakkaanut tunngassutillit cpr-nr-unik allaqqasortallit allaffimi sumi tamaani nuisaannannginnissaat anguniarlugu Naalakkersuisut qulakkeerinnissimanerlutik."
Iliuuseqarnissamut piumasaqarpoq "qarasaasiatigut saassussisinnaanerit imaluunniit nunap soqutigisai pinerliinianit imaluunniit soqutiginnittunit allanit takuneqarsinnaasaqqunagit."
Ullut suliffiusut qulit ingerlaneranni Naalakkersuisut Ineqi Kielsenimut akissuteqareersimassapput.