Qatserisartuaqqat: Qasigiannguani meeqqat inuusuttullu qatserinermut atortorpassuarnik nassinneqalersut

Kalaallit Nunanni qatserisartut peqatigiiffiat qatserinermi atortunik meeqqanut inuusuttunullu sungiusaatissatut atugassanik pisiniaqqammerpoq, taakkulu atortut Qasigiannguanut nassiunneqassapput.

Piviusumik ikuallattoqaraangat qatserisartut upalungaarsimasut imatut isikkoqarsinnaasarput. Ukiut ingerlanerini nunatsinni qatsersisartut sumiiffinni assigiinngitsuni meeqqanut inuusuttunullu sungiusaatigalugu qatserisartuaqqanik pilersitsisarput, meeqqat inuusuttullu qatserisartutut sulineq qanoq ittuunersoq sapinngisamik siusissukkut ilikkagaqarfigisarniassammassuk, taamaammallu qatserisartut peqatigiiffiat atortorpassuarnik Maniitsumut tunniusserusussimagaluarput, aallartitsiniarnerli ajornarsimammat Qasigiannguani qatserisartuaqqanut atortut taakku nassiunneqassapput.

Leiff Josefsen

Jensine Berthelsen

Published 29 October 2023 - 11:00

Annonse

Kalaallit Nunaanni qatserisartut peqatigiiffiat NunaFonden aamma Tipsernermit lottornermillu sinneqartoorutinit aningaasaliisoqarluni qatserisartuaqqat sungiusaatissaannik pisiniaqqammerput.

Maniitsumi qatserisartuaqqanut atortorpassuit taakku nassiunneqassasut pilersaarutaaqqaarsimagaluarpoq.

- Atortorissaarutit aallaqqaammut Maniitsumut Qeqqata Kommunianut
tunniussaagaluarput, Maniitsumili Qatserisartuaqqanik ingerlatsiniarneq
aallartissinnaasimanngimmat Qasigiannguani Qatserisartuaqqanik
suliaqartunut nassiunneqassapput, qatsersisartut peqatigiiffianni siulittaasoq, Poul Olsen nassuiaavoq.

Atortut makku Qasigiannguani qatserisartuaqqanut nassiunneqassapput:

C42 slangekurv til 2 stk. slange a 15m 4 Stk
C42-slange, gul, 15m 42mm 8 Stk
D slangekurv til 2 stk. slange a 15m 2 Stk
D-slange, gul, 15m, 25mm 4 Stk
Forgrener C-D/D m.kugleventil m.B/C adapter 2 Stk
Røgdykkerhætter 12 Stk
Isolerende brandmandshandske str. 8 12 Par
Brandhjelme lev.tid ukendt Stk 12
Branddragt model PS6598 mørk marine blå 12 Stk
Gummistøvle Harvik 12 Par
T-shirt 0510 fv.navy S - M - L 50 Stk
Forbindingsmaterialer (pack) 1 Stk
CO2 Slukker 5kg 4 Stk
Pulverslukker 12kg Housegard 4 Stk
Vandslukker 9L frostsikker -30 gr.
Dräger PAS Lite QRC rygskjold 10 Stk
Dräger røgdykker masker str,M 6 Stk
Dräger røgdykker masker str,S 6 Stk

Atortut 200.000 koruuninik naleqarput

Poul Olsen nassuiaavoq Qasigiannguani qatsersisartut qatserisartuaqqanut sungiusaatissanik amigaateqaarnerat tunngavigalugu, atortut taakku Maniitsumut nassiussassaagaluit, qatsersiartuaqqanilli pilersitsiniarneq ajornarsimammat Qasigiannguanut nassiunneqartussanngortut.

- Erseqqissaatigissavara aallaqqaammut atortut taakku Qeqqata Kommuniani Maniitsumut tunniussassatut eqqarsaataagaluarmata, tamaaammallu Qeqqata Kommuniani qatsersiartut logoannik logoqarput, Poul Olsen nassuiaavoq.

Poul Olsen naggataatigut qatsersisartut peqatigiiffiat sinnerlugu kissaateqarpoq Qasigiannguani qatserisartuaqqat atortut taakku iluaqutigilluarumaaraat sungiusaatigilluartarumaaraallu.

inuiagatigiit nunatsinnit