Qilalukkanik qernertanik kisitsinissaq kinguartinneqarpoq
Nualluussuarmik coronamik nappaalanerit kingunerisaanik Tunumi qilalukkat qernertat ukiuunerani kisinneqarnissaat piviusunngunngitsoorpoq aammalu Qeqertarsuarmi arfivinnik nalunaaqutsersuinissaraluit aamma ukiup tullianut kinguartinneqarput
Annonse
Tunumi ukiuunerani qilalukkanik qernertanik misissuinerit, Qeqertarsuarmilu arfivinnik nalunaaqutsersuinissat ukiup tulianut kinguartinneqarput.
Pinngortitaleriffik tusagassiutinut nalunaarummi allappoq.
Ittoqqortoormiuni piniartut qilalukkat qernertat ukiuunerani kisinneqarnissaannut piareersaanermi ikiuullutik nalunaarusiorlutik Pinngortitaleriffimmut nassiussisimanerannut Pinngortitaleriffiup qut-savigerujussuarpai.
- Aamma Qeqertarsuarmi piniartut arfivinnik tigusisarnerannut aammalu qilalukkanit qernertanit misissugassanik tigusillattaarnerannut qutsavigerujussuarpai. Tasiilamilu piniartut qilalukkanik qernertanit pisaminnit misissugassanik tigusisarnerannut Pinngortitaleriffiup aamma qutsavigerusuppai.