Qimaasoq nasaarineqarpoq

20-nik ukiulik Tommy Zeeb, sisamanngornermi politiinit ujaarineqalersoq sisamanngornermi ullup ilaa politiinit tigusarineqarpoq, unnuullu ingerlanerani anstaltimut utertinneqassalluni.

Politiit oqaatigiumanngilaat angut sumi nassaarisimanerlugu.

Inuk toqungasoq blok P-mi nassaarineqartoq pillugu politiit ilisimatitsipput nassaarineqartoq angutaasoq. Politimestereqarfimmili inatsisileritooq Henrik Pass allanik oqaaseqarumanngilaq.

- Pisimasoq misissorparput, annerusumillu oqaaseqarsinnaanngikkallarluta, Henrik Pass oqarpoq.

Sermitsiaq.gl-illi paasisai naapertorlugit 43-nik ukiulik Hans Hansen, pisimasumut tunngatillugu ujaarineqartoq, politiinit atavigineqareersimavoq.