Qimmimik pinngitsaalineq oqaaseqarfiginianngilaa
Kalaallit Nunaanni uumasut pillugit oqartussaaneq Namminersornerusut ataanniippoq, taamaattumik justitsministerip angummut qimimik atoqateqarsimasumut suliaq oqaaseqarfiginianngilaa.
Danskit inatsinik atortitsinermut ministeriat Brian Mikkelsen (K) isummernianngilaq, Nuummi angutip 1000 koruuninik akiliisussanngortinneqarsimanera pillugu, angutip taassama angutip allap qimmia atoqatigisimavaa. Tamanna justitsiministerip Marlene Harpsøemut (DF) akissuteqaataani erserpoq. Harpsøe oqaluttuaq ekstrabladep nittartagaani naammattoorsimavaa tamatumalu kingorna justitsministeri pisimasumu qanoq isumaqarnersoq tusarusussimallugu.
Brian Mikkelsenip tamanna itigartippaa.
»Ilisimatitsissutigisinnaavara Kalaallit Nunaanni uumasunut qanoq pineqarnerannut tunngasut namminersornerusut susassaqarfigimmassuk. Taamaattumik Namminersornerullutik Oqartussat inatsisitigut aamma allaffissornikkut suliassat tigummivaat.
Tamanna tunngavigalugu uanga isumaqarpunga nittartakkami www.ekstrabladet.dk-imi allaaserisaq annertunerusumik oqaaseqarfiginngikkukku.« Brian Mikkelsen, Marlene Harpsøemut allappoq.