Qimussersoq ajunngitsoq nassaarineqarpoq
Ataasinngormat ullaap tungaani Kalaallit Nunaanni Politiit Issittumilu Sakkutooqarfiup qimussersoq ujaariunnaarpaat. Angut illuaqqami ajunngitsoq nassaarineqarpoq.
Kalaallit Nunaanni Politiit Issittumilu Sakkutooqarfiup qimussersup ujaarineqarnera unitsikkaat, SAR-imi ingerlatsisoq Malik Olesen Sermitsiaq.AG-mut oqarpoq.
- Pineqartoq nalunaaqutaq 10.30 missaani nassaarineqarpoq. Ajunngilaq, sapaatiummat ualikkut kingullermik takuneqarfiata ungasinngisaani illuaqqamiilluni, Malik Olesen Sermitsiaq.AG-mut oqarpoq.
Ujaarineqartoq qimussersoq maqaasineqartoq pilersaarutaasutut Tiilerilaanut apuutinngitsoormat ilaqutaasa sapaatiummat unnukkut nalunaarutigaat, sapaammilu nalunaaqutaq 13.30 missaani qimussertut allat nunaqarfimmut ingerlaartut inuulluaqqugamigit tusarneqarsimanngimmat.
- Tunumi ujaasineq taamaalilluni naammassivoq. Soorunami pissutsit paasiniarlugit suli killisiuisoqassaaq. Maannali ujaasineq naammassivoq, Malik Olesen oqarpoq.