Qimussit taxanik aporneqartut
Ilulissani inuit marluk napparsimmavimmi unnuisariaqarput taxat qimussit apormagit, taamatut allappoq Iluliarmioq.gl.
Annonse
Decemberip 21-ianni Ilulissani illoqarfiup immikkoortuani Atersuarni qaleralinnik tunitsiviup eqqaani taxap sukkasuumik ingerlalluni qimussut aporpai. Inuit marluk qimussinut ilaasut napparsimmavimmi unnuisariaqarput qimussillu aserorluinnarput taxallu annikinnerusumik ajoquserlutik. Ajutoornermi qimuttut amerlanerit pituutaat kipipput, qimuttulli tamarmik kingorna tiguneqaqqipput.
– Politiit ajutoorfimmut takkutipallapput, taxartartorlu eqqartuussivimmut tunniunneqassaaq. Aatsaat taamatut tassanerpiaq ajutoortoqanngilaq, Iluliarmioq.gl allappoq.