qinersineq
Qinersinermut Ataatsimiititaliap kukkuluttortoqarnera ajuusaarutigaa
Inuit Ataqatigiit tunuliaqutaralugit qinigassanngortittoq Maniitsormiuusoq Nuummiusut allaqqatinneqarpoq
- Qinersinermut Ataatsimiititaliap ajuusaarnaraluartumik paasivaa qinigassanngortittoq Inuit Ataqatigiinneersoq Nuka Ole Berthelsen ulloq 28. november 2014-imi Inatsisartunut qinersinermut taasivissami Nuummi najugaqartutut allanneqarsimasoq. Nuka Ole Berthelsen Maniitsumi najugaqarpoq.
Qinersinermut Ataatsimiititaliap Allattoqarfia tusagassiutinut nalunaaruteqarpoq.
Nuka Ole Berthelsen inini qinersiviusuni taasivissanilu allagarsiussani Maniitsumi najugalittut allassimassaaq.
- Qinersinermut Ataatsimiititaliap pisimasoq ajuusaarutigaa qinersinermullu inatsisip iluarsaateqqinnissaani piumasaqaatit ersarissarniarlugit taamatuttaaq najukkap paasissutissiissutigineqarnera. Pappialat taasivissat naqiterneqareerput sinerissamilu taasivissanut tamanut nassiussuunneqareerlutik, Qinersinermut Ataatsimiititaliap Allattoqarfianit oqaatigineqarpoq.