Qinersinissamut ullut 25-iinnanngorput
Qinigassanngortittut amerlanerit piareerput - kikkuunersut takujuk.
Marlunngorpat marsip 18-ianni nal. ulloqeqqanut apriilip 8-aanni kommuninut qinersinissamut qinigassanngortinissamut nalunaarfissaq qaangiutissaaq.
Qinigassanngortittut amerlanersaat Sermitsiap saqqummiussinnaavai - piffissarli kingulleq allanngorsinnaapput.
Kisimiillutik allanilluunniit qinigassanngorteqateqarlutik sassarsinnaasut aamma attavigineqanngillat.
Atassutip allaffianiit nalunaarutigineqarpoq qinigassanngortittut aatsaat marlunngorpat saqqummiunneqassasut.
Partiip nutaap, Aalisartut Piniartullu Partiiata siulittaasua Leif Fontaine ulluni makkunani avataaniippoq.
Partiit nutaat aappaat, Sorlaat Partiiat, pilersinniarlugu arfininngorpat Nuummi ataatsimeersuartoqassaaq.
Apriilip 8-aanni qinersinermi kommuninngortussani sisamani ikaarsaarnermi ataatsimiititaliani 2009-mi kommunalbestyrelsinngortussani inissat 72-it inuttalerneqassapput.
Qinigassanngortittut aqqi talerpiatungaani takusinnaavatit.... (malugalugu Atassut suli nalunaaruteqanngimmat).