Qinersisoqarnissamik piumasaqarneq alliartortoq
Siumup naalakkersuisoqatigiinni sulinerapartiip immikkoortortaqarfiisa amerliartuinnartutsakkortuumik isornartorsiorpaat - avannaanilu Siumupimmikkoortortaqarfiisa amerlernerussuteqarluartutikerinnakkut Inatsisartunut qinersisoqarnissaa piumasaraat.
Ukiup ataatsip missaa qaangiuppat Inatsisartunut qinersisoqartussaagaluartoq, ikerinnakkut ukioq manna qinersisoqarnissaa avannaani Siumup immikkoortortaqarfiisa amerlanerussuteqarluartut maanna ersarissumik piumasaraat. Taamaalilluni sumiiffinni ataasiakkaani Siumup immikkoortortaqarfiisa Siumup Inuit Ataqatigiinnik suleqateqarluni ukiut kingulliit pingasut naalakkersuisooqataanermini naammaginartumik angusaqarsimannginnerarlugu isornartorsiuinerannut, avannaani Siumup immikkoortortaqarfii tapersiipput.
Taamak allaaserinnippoq aviisi Sermitsiaq.
Kangaatsiami Siumumi siulersuisuni aamma Kommune Qeqertalimmi kommunalbestyrelsimut ilaasortap Otto Jeremiassenip, Siumup immikkoortortaqarfiisa amerliartuinnartut Siumup nalaakkersuisooqatigiinni sulineranut isornartorsiunerat, Inatsisartunullu ikerinnakkut qinersisoqarnissaannik piumasaqarnerat paasilluarsinnaagini oqaatigaa.
– Inuiaat atugarissaarnerulernissaannik naalakkersuisut anguniagaqarnerat iluatsissimanngilaq, atugarissaarnerulernissarlu qulakkeerneqassappat politikkikkut allannguisoqartariaqarpoq, tamannalu pissappat Inatsisartunut qinersisoqartariaqarpoq, Otto Jeremiassen oqarpoq.
Allaaserisaq tamaat aviisimi Sermitsiami atuaruk.
