Qinngutsinni Brugsenimi ikuallattoqartoq
Qinngorput ilaani niuertarfimmi tallimanngornermi unnoqqaakkut ikuallattoqalerpoq. Inuit marluk putsumit ipianngulersimasinnaasut napparsimmavimmukaanneqarsimapput.
OBS. Kalaallit Nunaata Politiivinit paasissutissanik allaaserisaq ilaneqarpoq, ikuallannerlu sumiissimanersoq erseqqissarneqarluni.
Nuup illoqarfiata ilaani, Qinngorpumi politiit, ambulancet pingaartumillu qatserisartut tallimanngornermi unnoqqaakkut ornigupput.
Brugsenip niuertarfiani quiusumi ikuallattoqalersimavoq.
Ikuallattoqarnerani qatserisartut nalunaaqutaq 18.00 missaani ornigupput, aqqusinerlu Atuarfik Hans Lyngep tungaanoortoq politiinit matugallarneqarsimalluni.
- Misissuinerit siulliit takutippaat Qinngutsinni Brugsenimi init tunorliit ilaanni ikuallanneq aallartissimasoq. Naatsorsuutigikannersinnaavarput innaallagianut atortut ilaat ikuallalersimassasut. Misissuinerilli tamanna qulakkeerumaarpaat, Kalaallit Nunaata Politiivini pigaartut pisortaat Mark Larsen Sermitsiaq.AG-mut oqarpoq.
Inuit marluk napparsimmaviliaanneqartut
Pigaartut pisortaat ilisimatitsivoq Dronning Ingridip Napparsimmavissuani pinartoqartillugu nakorsiartarfimmut inuit marluk ingerlanneqarsimasut.
- Inunnik annertunerusumik ajoqusertoqanngilaq. Inuilli marluk, putsumit ipianngulersimasinnaasutut naatsorsuutigineqarsinnaasut nakkutigineqartussanngorlugit napparsimmaviliaanneqarput, pigaartut pisortaat oqarpoq.
Aqquserngup assersorneqarsimanera politiinit nal. 20.00 missaani atorunnaarsinneqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...